Viltu kynnast náttúrunni og landinu á nýjan hátt?  Viltu eiga frábært ævintýri með góðum vinum eða kynnast nýju fólki? Viltu stinga af og njóta einstakrar náttúrufegurðar Norðurlands?

Nú er tækifærið! Komdu norður í Fljótin á kajaknámskeið með Veigu Grétarsdóttur hringfara.

Þetta einstaka námskeið er sniðið að byrjendum í kajakróðri og fyrir þá sem eru lengra komnir en vilja bæta við reynsluna.  Farið verður í gegnum grunnatriði, svo sem áratök, róðratækni, bjarganir og eins hvernig er best að umgangast kajakinn og búnaðinn sem nota þarf í sportið.  Hluti kennslunnar fer fram innandyra en megnið á sjó þar sem verður róið á milli staða og út firði ef veður leyfir og fólki gefst kostur á njóta kyrrðarinnar í óspilltri náttúrunni.

Þetta námskeið er hannað fyrir konur og karla sem vilja ævintýri, læra almennilega á kayak í góðum félagsskap og slappa svo af um kvöldið með góðum mat og slökun í heitri laug að Sólgörðum frá fimmtudegi til sunndags.

Tilvalið fyrir vinkonu- og vinahópa, útivistarhópa og vinnustaði – hvers kyns hópa sem vilja skapa samkennd og samstöðu gegnum sameiginlegar áskoranir og ljúfan félagsskap.

Sóley Björk Stefánsdottir: “… fórum á svona námskeið núna um helgina og það var bara svo æðislegt að ég get ekki stillt mig um að mæla með því!”

Innifalið í verðinu

  • Kajaknámskeið
  • Kajak, þurrgalli og allt sem til þarf
  • Gisting í 3 nætur
  • Allar máltíðir meðan á dagskrá stendur (allt frá kvöldverði við komu til hádegisverðar á lokadegi)
  • Gæðagisting á Sóta Lodge
  • Aðgangur að sundlauginni að Sólgörðum (aðeins nokkur skref frá Sóta Lodge)

Ekki innifalið

  • Slysatryggingar
  • Áfengir drykkir

Dagsetningar:

  • 26. – 29.maí
  • Ef sérstök dagsetning er í huga, þá er hægt að senda fyrirspurn á info@sotisummits.is

Verð: 

  • 110.000 isk á mann (Verð miðast við tvo í herbergi)
  • Viltu vera í einstaklingsherbergi?  135.000 isk á mann

Einkaferð: 

  • Viltu sérferð fyrir þig og/eða hópinn þinn?
    Sendu okkur línu á info@sotitravel.is

Fyrir hverja er ferðin? 

  • Byrjendum á sjókajak og einnig þeim sem eru reyndari en vilja bæta grunntækni á sjókajak.

Hvað á að koma með

  • Hlý föt undir kajakgalla
  • Vind- og vatnsheldan jakka
  • Vind- og vatnsheldar buxur
  • Ullarnærföt
  • Ullarpeysu/ léttan primaloftjakka
  • Hanska
  • Vatnsflösku
  • Sólarvörn

 

AFBÓKUNAR- OG ENDURGREIÐSLUSKILMÁLAR

Afbókunar- og endurgreiðsluskilmálar eru eftirfarandi:

  • 100% endurgreiðsla ef ferð fellur niður sökum sóttvarnaákvarðana eða veikinda tengdum Covid-19
  • 80% endurgreiðsla ef afbókað með meira en 7 daga fyrirvara
  • 50% endurgreiðsla ef afbókað með meira en 72 klst fyrirvara
  • Engin endurgreiðsla ef afbókað með minna en 72 klst fyrirvara

Ef veðurskilyrði kalla á, er boðið upp á eftirfarandi kosti:

  • Fulla endurgreiðslu
  • Tilfærslu ferðar á aðra dagsetningu
  • Dagskrá ferðar aðlöguð aðstæðum