Aðventan í sveitinni

Taktu frá yndishelgi á aðventunni með þeim sem þér þykir vænt um!

Sóti Lodge á aðventunni

Aðventan skipar sérstakan sess í hugum margra. Að loknu hryssingslegu hausti hlökkum við til þess að taka örlítið forskot á jólasæluna, hitta vini og fjölskyldu, borða góðan mat og njóta þess að vera saman. Sóti Summits hefur hannað dásamlega umgjörð um slíkar stundir í sveitasælunni í Fljótum í Skagafirði, þar sem hægt er að taka sér frí frá því amstri sem oft fylgir undirbúningi jóla og einbeita sér að því að rækta okkur sjálf og okkur nánustu.

Á Sóta Lodge gefst gestum kostur á að borða dásamlegan jólamat, skreppa í kynnisferðir eða bara sitja heima og spila, anda að sér bráðnauðsynlegu súrefni í fögru umhverfi og njóta heitrar Barðslaugar og flotstunda.

Flotstundir í Barðslaug

Sóti Summits hefur leitað í smiðju Flothettu  og mun bjóða gestum upp á einstakar friðarstundir í Barðslaug, þar sem þátttakendur verða leiddir gegnum slakandi og nærandi upplifun af þjálfuðum leiðbeinanda.

Bókaðu núna og njóttu aðventunnar í sveitinni.

Innifalið í verði

  • Gæðagisting á Sóta Lodge
  • Allar máltíðir meðan á dagskrá stendur
  • Aðgangur að Barðslaug
  • Flotstund með leiðbeinanda

Ekki innifalið

  • Slysatryggingar
  • Áfengir drykkir

Dagsetningar í boði

Allar helgar frá 5. nóvember til 17. desember

Verð

  • 43.900 isk á mann – miðað við tvo í herbergi  
  • 68.900 isk á mann – miðað við einstaklingsherbergi

Einkaferðir

  • Viltu sérferð fyrir þig og/eða hópinn þinn?
    Sendu okkur línu á info@sotisummits.is

Fyrir hverja er ferðin? 

  • Ferðin hentar öllum þeim sem hafa áhuga á góðum mat, góðum félagsskap og nærandi afþreyingu til sálar og líkama.

Hvað á að koma með?

  • Sundföt
  • Gönguskó
  • Göngubuxur (þægilegar buxur til að ganga í, alls ekki gallabuxur)
  • Vatnsheldar buxur
  • Vatnsheldan jakka
  • Þægilegan fatnað til léttrar útivistar

Dagskrá

Föstudagur

Koma á Sóta milli 16 – 18

Flotstund í Barðslaug eða bara njóta í pottinum fram að mat

Þriggja rétta kvöldverður að hætti kokksins kl. 19:30

Laugardagur

Morgunmatur 8-10

Stutt sameiginleg útivist (ákvörðuð eftir veðri og aðstæðum)

Hádegisverður 12:30

Yfir daginn er í boði að föndra eða skrifa jólakort, smá kökur og heitt súkkulaði í boði. Ef hugur stendur til þess að leggja land undir fót er t.d. hægt að njóta útiveru í grennd við Sóta Lodge, heimsækja ostagerð og verslun á Brúnastöðum eða fara í kynnisferð til Siglufjarðar.

Sundlaugin opin og flotstund í boði seinni partinn

Jólakvöldverður kl. 19:30

Sunnudagur

Morgunmatur 8-10

Stutt gönguferð eða bara slökun á hótelinu áður en lagt er af stað heim.