Sóti býður eftirminnilegar fjallaskíðaferðir 2026 á Tröllaskaganum!

Þetta eru ómissandi fjallaskíðaferðir fyrir þá sem vilja sleppa úr amstri hversdagsins og anda að sér fersku fjallalofti. Ferðast verður um fjöllin sem umlykja Fljótin og Siglufjörð, þar sem tækifæri gefst að spreyta sig í brekkum á öllum erfiðleikastigum.

Þegar komið er á Sóta Lodge eftir góðan dag getur þú látið líða úr þér og slappa af – við sjáum um að þú njótir og nærist vel.

Fyrir byrjendur og lengra komna

Hvort sem þú ert að stefna á þína fyrstu brekku utanbrautar, eða vilt bæta reynslu í sarpinn og skemmta þér í fagurri náttúru og góðum félagsskap, eru fjallaskíðaferðir Sóta Summits 2026 tækifæri sem þú mátt ekki missa af!

Tröllaskagi hefur öðlast verðskuldað orðspor sem spennandi áfangastaður þeirra sem vilja fara ótroðnar slóðir á skíðum. Vaxandi fjöldi skíðafólks er að uppgötva frelsið sem felst í utanbrautarskíðun og fjallamennsku og svæðið okkar býður upp á brekkur á öllum erfiðleikastigum fyrir fjallaskíðaferðir. Ægifagurt landslagið nyrst á Tröllaskaga tryggir eftirminnilega upplifun með fremsta skíðaleiðsögufólki Íslands.

Leiðsögufólkið okkar er í úrvalsliði fjallafólks á Íslandi og hefur skíðað svæðið um árabil. Ferðirnar okkar eru ekki bara frábær skemmtun og útivist, heldur njóta þátttakendur einnig þess að fá þjálfun og fræðslu sem skerpir reynsluna og býr undir frekari landvinninga á fjallaskíðum.

Fjallaskíði og frábært atlæti

Að skíðadegi loknum er komið heim á Sóta í eftirmiðagshessingu. Á Sóta Lodge er boðið upp á smekklega innréttuð „en suite“ herbergi, sem og aðgang að Barðslaug með heitum potti í næsta húsi. Endurnærandi flotstundir og vatnateygjur undir víðum norðurskautshimni tryggja að allir geti látið líða úr sér eftir átök dagsins.

Rómaður þriggja rétta kvöldverður að hætti hússins slær botninn í dásamlega daga og vel útilátið morgunverðarhlaðborð hleður orkustöðvarnar að morgni dags. Bragðgott hádegisnesti tryggir endingu og úthald í útivistinni.

Starfsfólk Sóta Lodge tryggir að öllum líði vel og notalega, en friðsældin í sveitinni tryggir góðan og endurnærandi nætursvefn.

Helgarferðir 2026:

20.-22. mars

27.-29. mars -UPPSELT

3.-5. apríl

Hægt er að bæta við dagsetningum fyrir hópa, sé þess óskað

Einkaferð

• Viltu sérferð fyrir þig og/eða hópinn þinn?
  Sendu okkur línu á info@sotisummits.is

Innifalið í verði

• Allar máltíðir meðan á dagskrá stendur (allt frá kvöldverði við komu til hádegisverðar á lokadegi)
• Leiðsögn faglærðs fjallaleiðsögumanns
• Snjóflóðabúnaður (bakpoki, skófla, stöng, ýlir)
• Gæðagisting á Sóta Lodge
• Après ski
• Aðgangur að Barðslaug (aðeins nokkur skref frá Sóta Lodge)
• Flotstund og vatnateygjur

Hvað á að koma með

• Skíði (fjallaskíði eða splitboard) og búnað (skinn, brodda, stafi, hjálm, skíðagleraugu)
  • hægt er að leigja úrvals Blizzard Zero G fjallaskíði gegnum Sóta Summits.
• Vind- og vatnsheldan jakka
• Vind- og vatnsheldar buxur
• Ullarnærföt
• Hanska
• Vatnsflösku
• Sólarvörn
• Litla sjúkratösku
• Inniskó

Verð fyrir 3 daga námskeið 2025

• 99.500 isk á mann. Verð miðast við tvo í herbergi
• Verð fyrir einn í einstaklingsherbergi er 138.900 isk á mann

Þegar þú bókar gegnum hlekkinn hér til hliðar greiðir þú 20% óafturkræft staðfestingargjald til að festa bókunina. Greiða skal eftirstöðvar eigi síðar en tveimur vikum fyrir ferð.

Fyrir hverja er ferðin? 

• Þessi ferð hentar sem eru öllum í góðu líkamlegu formi og hafa einhverja reynslu af skíðamennsku. Leiðsögufólkið okkar sér til þess að gönguhraðinn og brekkur henti öllum í hópnum.