Dagsferð frá Siglufirði um nyrstu strendur Tröllaskaga

Upplifðu sögu og náttúru Norðurstrandar í dagsferð okkar á eikarbátnum Örkinni!

Njóttu dagsins í ljúfri siglingu um söguslóðir Norðurstrandar. Við nyrstu strandir Tröllaskaga hafa íbúar um aldir þurft að takast á við óvægin náttúruöfl og búskaparsagan er saga af seiglu, þrjósku og örlögum. Margir fremstu rithöfundar landsins hafa sótt sér efni í þá atburði sem hér hafa átt ser stað, nú síðast Hallgrímur Helgason í Segulfjarðarópus sínum og Einar Kárason í frásögn sinni af flugslysinu í Héðinsfirði, Þung ský.

Við tökum stefnu út Siglufjörð, siglum framhjá landnámsjörð Þormóðar Ramma á Siglunesi og höldum í vesturátt. Í Heðinsfirði rifjum við upp sögur frá fyrri tíð, en ef veður og sjólag leyfir liggur leiðin fyrir Víkurbyrðu og Hvanndalaskriður. Við horfum inn óárennilega Hvanndali síðasta spölinn og setjum okkur í spor þeirra sem þessa einangruðu byggð bjuggju. Að lokum stöldrum við agndofa við og mænum upp eftir Hvanndalabjargi, hæsta standbergi í sjó á Íslandi, um 630m í sjó niður.

Eftir hressandi kaffisopa er svo haldið tilbaka. Við rýnum eftir sjófuglum og setjum okkur í spor Siglfirðinga um aldir, sem áttu enga leið styttri heim en sjóleiðina. Ef gæfan er með okkur, er aldrei að vita nema að við sjáum glitta í þau sjávarspendýr sem eiga heimili sitt við strendur landsins.

Ef tækifæri gefst, rennum við fyrir fiski áður en komið er í höfn.

Bátsferðir gerast ekki betri.

Innifalið

  • Sagna- og náttúruleiðsögn
  • Bátsferð
  • Kaffi og létt hressing

Gott er að koma með

  • Vatnsflösku og létt nesti
  • Hlýjan fatnað og skjólfatnað
  • Húfu, trefil og vettlinga
  • Myndavél!
  • Best er að vera í vatnsþolnum skóm.

Mæting

Við hittumst við skrifstofu Sóta Summits við Aðalgötu á Siglufirði. Vinsamlegast mætið um 30 mínútum fyrir brottfarartíma. Ferðin tekur um fjóra tíma, og við áréttum nauðsyn þess að klæða sig vel – það er alltaf kaldara á sjónum en maður býst við.

 

Fastir brottfarartímar 2023:

1. júlí – kl. 13.00

8. júlí – kl. 10.00

15. júlí – kl. 10.00

22. júlí – kl. 10.00

29. júlí – kl. 10.00

5. ágúst – kl. 10.00

12. ágúst – kl. 10.00

19. ágúst – kl. 10.00

Aðrir brottfarartímar skv. samkomulagi, fáið upplýsingar og bókið á info@sotisummits.is

 

Sólsetursferð? Einkaferðir mögulegar, fáið upplýsingar og bókið á info@sotisummits.is

 

Við hlökkum til að fara með þér á sjóinn!