Sóti Summits býður upp á endurnærandi flotmeðferðir og samflotstundir í haust. Fylgt er aðferðafræði og nálgun sem þróuð hefur verið af Unni Valdísi Kristjánsdóttur, hönnuði og eiganda Flothettu (www.flothetta.com).

Flotmeðferðir

Fimmtudagar 16-20 og eftir samkomulagi

Í flotmeðferðum Flothettu eru þátttakendur leiddir gegnum upplifun sem felur í sér hreyfingar í vatninu, líkamsmeðferð og að lokum fljóta þátttakendur sjálfstætt og njóta þyngdarleysis og slökunar.  

Flotmeðferð í vatni losar um streitu, róar hugann og veitir slökun, auk þess að hjálpa til við að endurnæra vöðva líkamans eftir áreynslu. Það slaknar á vöðvum og tognar á stoðkerfi líkamans. Þátttakendur upplifa kyrrð og algjört áreynsluleysi, umvafðir hlýju vatni jarðar undir öruggri stjórn leiðbeinanda. Að lokinni meðferð gefst tækifæri til að slaka á í heita pottinum.

Boðið er upp á einstaklingsmeðferð og tveggja manna stundir, sem upplagðar eru fyrir pör og vini. Meðferðin tekur í heild um klukkustund.

Samflot í Barðslaug

Föstudagar 18-19

Í samflotstundum í Barðslaug fá þátttakendur tækifæri til að upplifa kyrrð og endurstillingu í þyngdarleysi vatnsins, án meðferðar. Þátttakendur fá flothettu og fótaflot og fljóta sjálfstætt undir umsjón leiðbeinanda. Að loknu floti gefst tækifæri til að slaka á í heita pottinum.

Átta manns geta að hámarki tekið þátt í samfloti hverju sinni og tekur upplifunin um klukkustund í heild.

Barðslaug í Fljótum

Vatn er manninum lífnauðsynlegt og frá aldaöðli höfum við gert okkur grein fyrir mikilvægi þess fyrir heilsu okkar og vellíðan.  Um árþúsunda skeið hafa vatnsmeðferðir af ýmsu tagi verið mikilvægur hluti af hefðum og lífstíl menningarheima um allan heim. 

Á Íslandi hefur heitt vatnið úr iðrum jarðar verið nýtt til slökunar og þrifa frá landnámi og er getið um laugarferðir forfeðra okkar í fornum ritum.  Skagfirskar laugar léku hlutverk í aðdraganda Örlygsstaðabardaga, en það er ekki vitað hvernig heit heit laugin í Barðslandi í Fljótum var nýtt fram að því að fyrsta sundlaugin var byggð hér 1895. Fróðir menn halda því þó fram að hér hafi fólk laugað sig og lært að synda mun lengur.

Flothetta

Flothetta er hönnun og hugverk Unnar Valdísar Kristjánsdóttur vöruhönnuðs og frumkvöðuls í vatnsmeðferðum á Íslandi. Flothettan og meðferðarúrræði sem byggja á henni hafa verið í þróun síðan 2012 og þeim fjölgar sífellt sem nýta sér hettuna og fylgihluti til þess að taka þátt í reglubundinni upplifun sér til upplifunar og hugljómunar. 

Flotstundir í Barðslaug fylgja þeirri viðurkenndu aðferðafræði sem Unnur og samstarfsfólk hennar hefur þróað.  Íslenska flotmeðferðin byggir á samþættingu aldagamalla meðferðarhefða og íslenskrar laugamenningar.

Ólöf Ýrr Atladóttir hefur lokið þjálfun í flotmeðferðum hjá Flothettu og sér um flotmeðferðir og samflotsstundir í Barðslaug.

Flotupplifun að loknum átakadegi í íslenskri náttúru veitir kraft til frekari ævintýra. HÉR er hægt að skoða frekari upplifanir með okkur

Verðskrá:

Einstaklingsflotmeðferð: 10.000 kr

Tveggja manna meðferð: 6.500 kr. á mann (13.000 fyrir tvær/tvö/tvo saman)

Samflot:3.500 kr. á mann

nnifalið: Aðgangur að laug, flotbúnaður og umsjón/meðferð