Tryggðu þér þátttöku á gönguskíðanámskeiði í Fljótum 2023!

Skíðagöngunámskeið Sóta Summits í Fljótum hafa notið vaxandi vinsælda undanfarin ár, enda um einstakar aðstæður að ræða. Um er að ræða þriggja daga gönguskíðanámskeið þar sem byrjendum jafnt sem lengra komnum gefst kostur á að auka færni sína á gönguskíðum með aðstoð okkar reyndasta skíðagöngufólks. Brautir eru lagðar rétt við gististaðinn, þannig að ekki þarf að keyra til að komast á skíði (háð snjóalögum), gestir geta þannig lagt bílnum við komu.  Umgjörðin er ekki af verri endanum: undursamleg snjóakistan í Fljótum og dásamleg dvöl á Sóta Lodge.

Sætafjöldi er takmarkaður og stærð hópanna tryggir að allir þátttakendur fá persónulega athygli og þjálfun.

Bókaðu núna og njóttu dásamlegrar upplifunar við ysta haf á Tröllaskaga!

Fljótin – vagga skíðaíþróttarinnar á Íslandi

Fyrir fáum áratugum voru skíði ákjósanlegasti vetrarferðamátinn fyrir heimafólk í Fljótunum. Samfélagið snjóaði inni mánuðum saman en íbúar hikuðu ekki við að skíða á milli húsa. Þeir stofnuðu skíðafélag og ferðuðust til annara landshluta til að keppa á skíðamótum, en fyrsta skíðakeppnin á Íslandi fór fram í Barðshyrnu í Fljótum árið 1905, þegar tuttugu manns öttu kappi í brekkurennsli.

Í dag skíða heimamenn ekki af nauðsyn heldur sér til skemmtunar. Gönguskíðabrautir eru troðnar reglulega og eru þær opnar fyrir bæði heimamenn og gesti. Um páska hvert ár skipuleggur Ferðafélag Fljóta Fljótamót sem er ætíð vel sótt.

Þjálfun og þægindi

Að skíðadegi loknum bíður Sóti Lodge eftir gestum, með þægindum og persónulegri þjónustu. Þar er boðið upp á smekklega innréttuð herbergi með sér salernum og sturtum, sem og aðgang að Barðslaug með heitum potti í næsta húsi. Boðið er upp á endurnærandi flotstundir undir víðum norðurskautshimni.

Rómaður þriggja rétta kvöldverður slær botninn í dásamlega daga og vel útilátið morgunverðarhlaðborð hleður orkustöðvarnar að morgni dags. Í hádeginu stendur valið milli léttrar máltíðar í húsi eða nestis í náttúrunni þegar verður leyfir.

Starfsfólk Sóta Lodge tryggir að öllum líði vel og notalega, en friðsældin í sveitinni tryggir góðan og endurnærandi nætursvefn.

 

HÖFUM OPNAÐ FYRIR SKRÁNINGAR Á NÁMSKEIÐ 2023!

 

Námskeiðin byrja 27. janúar 2023 og verða allar helgar þar til 25. mars. Einnig verða einhver námskeið í boði í miðri viku frá miðvikudegi til föstudags.

Mögulegt er að bæta við fleiri dagsetningum fyrir sex manna hópa eða stærri, sé þess óskað. Tökum einnig við hópum í miðri viku ef óskað er eftir.

Verð 

  • 88.900 kr/mann miðað við tvo í herbergi
  • 118.900 kr/mann miðað við einstaklingherbergi

Innifalið í verði

  • Gönguskíðaleiðsögn
  • Troðin gönguskíðabraut (hentar bæði byrjendum sem og lengra komnum)
  • Skíðaæfingar
  • Kennsla í umhirðu búnaðar
  • Fyrirlestrar
  • Gæðagisting á Sóta Lodge
  • Sloppar og inniskór
  • Allar máltíðir á meðan á dagskrá stendur (staðgóður morgunmatur / vel útilátið dagsnesti / þriggja rétta kvöldverður)
  • Síðdegishressing við komu í hús
  • Aðgangur að Barðslaug (aðeins nokkur skref frá Sóta Lodge)
  • Endurnærandi flotstund og vatnateygjur á laugardegi

Ekki innifalið í verði

  • Gönguskíðabúnaður
  • Áfengir drykkir
  • Slysatrygging
  • Akstur

Hvað á að koma með?

  • Gönguskíði og skó
  • Gönguskíðastafi
  • Fatnað til útivistar
  • Höfuðljós
  • Sundföt

Föstudagur

15:00-16:00 Gestir mæta og koma sér fyrir

16:15 Kynning á dagskrá, fyrsta skíðaæfingin

18:30 Barðslaug opin

19:30 Þriggja rétta kvöldverður og huggulegheit að hætti hússins

Laugardagur

8:00 Morgunmatur

10:00 Skíðaganga og kennsla í umhirðu skíðabúnaðar. Hádegisverður úti í náttúrunni.

17:00 Barðslaug, endurnærandi flotstund og vatnateygjur

19:30 Þriggja rétta kvöldverður og huggulegheit að hætti hússins

Sunnudagur

8:00 Morgunmatur

10:00 Skíðaganga í náttúru Fljóta

13:00 Hádegismatur og brottför

AFBÓKUNAR- OG ENDURGREIÐSLUSKILMÁLAR

  • 80% endurgreiðsla ef afbókað með meira en 7 daga fyrirvara
  • 50% endurgreiðsla ef afbókað með meira en 72 klst fyrirvara
  • Engin endurgreiðsla ef afbókað með minna en 72 klst fyrirvara

Ef veðurskilyrði kalla á, er boðið upp á eftirfarandi kosti:

  • Fulla endurgreiðslu
  • Tilfærslu ferðar á aðra dagsetningu
  • Dagskrá ferðar aðlöguð aðstæðum